14:51, 01 ноября 2024, Бишкек - 24.kg
УКМК Бажы кызматынын кызматкерлеринин жардамы менен өзгөчө ири өлчөмдө баңги затын — метамфетаминди «Пакистан — Ооганстан — Өзбекстан — Кыргызстан» каттамы боюнча ташууга катышкан эл аралык баңги тобунун ишмердүүлүгүн токтотту. Бул тууралуу ведомствонун басма сөз борбору билдирди.
Маалыматка ылайык, 2024-жылдын октябрь айында Бишкек шаарында ыкчам-издөө иш-чараларынын жүрүшүндө чет мамлекеттин жараны С.У., кармалып, баңги заты — жалпы салмагы 67 килограмм 615 граммды түзгөн 300 миллион сомдук метамфетамин табылган.
Чет өлкөлүк жаран жогоруда аталган жол менен Казакстан аркылуу Гонконгго келген метамфетаминди ташууну уюштурганы аныкталган.
Сотко чейинки өндүрүштүн алкагында баңги затын мыйзамсыз жүгүртүүгө шектелген чет элдик жаран УКМКнын убактылуу кармоочу жайына киргизилди. Учурда кылмыштын башка катышуучуларын аныктоо боюнча ыкчам-издөө иш-чаралары уланууда.