17:53, 29 октября 2024, Бишкек - 24.kg
Жогорку Кеңештин Бюджет, экономикалык жана фискалдык саясат боюнча комитетинин жыйынында Мамлекеттик салык кызматынын төрагасынын орун басары Нурлан Умтулов 2024-жылы Мамлекеттик салык кызматы 181 миллиард 791 миллион сом кошумча нарк салыгын чогулта турганын, 2025-жылы 183 миллиард 907 миллион сом салык чогултууну пландап жатканын билдирди.
Сатуудан түшкөн салык 2024-жылы 24 миллиард 380 миллион сом, ал эми 2025-жылы 30 миллиард 393 миллион сом алынат.
Депутат Дастан Бекешев Мамлекеттик салык кызматы салыктык түшүүлөрдү кимдин эсебинен көбөйтүүнү пландап жатканын сурады. Умтулов ведомство салыктык башкарууну күчөтүүнү пландаштырып жатканын айтты.
«Электрондук жол баракчалары жана электрондук эсеп-фактуралар сыяктуу инструменттер башкарууну күчөтөт. Мындан улам чоң кирешелер күтүлүүдө”, - деп жооп берди Нурлан Умтулов.