15:38, 23 октября 2024, Бишкек - 24.kg
Батыш автобекети, анын ичинде «Акжол» кичи бекети бүгүн толугу менен иштерин токтотту. Бул тууралуу мэриянын басма сөз кызматы билдирди.
Алар тейлеген бардык каттамдар Алма-Ата көчөсү, 1/1 (айланма жол менен кесилишкен) «Бишкек автобекет» ишканасынын автобекетинен чыгат.
Муниципалитет «Бишкек автобекети» ишканасы эл аралык, шаарлар аралык, аймактык жана шаар четиндеги каттамдарды тейлей турганын белгиледи.
«Учурда «Батыш» автобекетинен жана «Акжол» кичи автобекетинен шаардыктардын жана борбор калаанын конокторунун ыңгайлуулугу үчүн мэрия тарабынан автобустук каттам уюштурулуп, Бишкек автобекетинин жаңы автобекетине жүргүнчүлөрдү ташууда», — деп билдиришти.
Эскерте кетсек, буга чейин Батыш автобекети Фучик көчөсүнүн батыш тарабындагы көп функционалдуу шаарчанын жанына жайгашаары маалымдалган. Болжолдонгон аймактын жалпы аянты 162 гектарды түзөт. Ал жерге жаңы Ош базары курулат.