Жогорку Кеңештин жыйынында депутат Жанар Акаев жалган жалаа жана жалган маалымат тараткандар үчүн айып пулду 100 миң сомдон 1 миң сомго чейин кыскартууну сунуштады.
Эл өкүлү азыркы мыйзамдарда жарандын ар-намысына, кадыр-баркына же ишкердик беделине шек келтирген маалыматтарды жарыялаганы үчүн сот аркылуу жоопкерчиликке тартууга жол берген жоболор бар экенин белгиледи.
«Айыптар абдан чоң — 100 миң жана 200 миң сом. Экинчи окууда биз сунуштарды киргизебиз. Юридикалык жактарга 1 миң сом, жеке жактарга 2 миң сом айып салынса жетиштүү болот. Айып салууга мен каршымын », - деди Жанар Акаев.
Ал белгилегендей, жарандар менен тирешүүнү уюштуруу, ким кимди жамандаганын аныктоо Маданият министрлигинин компетенциясына кирбейт. Бул үчүн сот органдары бар.
Эске сала кетсек, алар Мыйзам бузуулар жөнүндө кодексти маалымат каражаттарында жана интернетте жалаа жабуу жана кемсинтүү боюнча берене менен толуктоону каалап жатышат. Кошумчаларга ылайык, жалган жалаа, кемсинтүүлөр үчүн жеке жактарга 100 миң сом, юридикалык жактарга 200 миң сом айып салынат.
