13:51, 17 октября 2024, Бишкек - 24.kg
Ички иштер министрлиги санариптик өнүктүрүү министрлиги менен сүйлөшүүлөрдү жүргүзүп, сим-карталарды бир жума ичинде эмес, сатып алуу учурунда каттоодон өткөрүү боюнча иш алып барууда. Бул тууралуу Жогорку Кеңештин жыйынында министрдин орун басары Нурбек Алиев билдирди.
Анын айтымында, телефондук шылуундар сим-карталарды сатып алгандан кийин бир жуманын ичинде каттоодон өткөрүү мүмкүнчүлүгүн колдонушат. Кылмыштар жаңы, катталбаган сим-карталар менен жасалат.
Белгилей кетсек, Кыргызстанда уюлдук операторлордун расмий сатуу пункттарынан сатылып алынган сим-карталар сатып алуу учурунда катталат.