13:13, 17 октября 2024, Бишкек - 24.kg
Жогорку Кеңештин бүгүн, 17-октябрдагы жалпы жыйынында депутат Эльвира Сурабалдиева Биринчи май районунун «27-кварталынын» тургундары борбор калаанын экс-мэри Нариман Түлеев жана экс-вице-мэр Андрей Филатов тарабынан мыйзамсыз жеке менчикке өткөн жер тилкесин муниципалдык менчикке кайтарып берүүнү суранып жатканын билдирди.
Эл өкүлүнү айтымында, 2008-жылы Бишкек шаардык кеңеши муниципалдык жер тилкеге балдар аянтчасын орнотуу чечимин чыгарган. Бирок 2009-жылы жер тилкеси мыйзамсыз түрдө жаран Өмүркановго жеке менчикке берилген. 2018-жылы жер тилкесинин чек арасын тактабай туруп, жаран Калыбековго сатып жиберген.
Эльвира Сурабалдиеванын айтымында, Нариман Түлеев менен Андрей Филатовго жерди жеке менчикке өткөрүү боюнча кылмыш иши козголгон. Акыркысы дароо издөөгө алынган. Депутат аталган жерди муниципалдык менчикке кайтарып берүүнү суранууда