09:07, 08 октября 2024, Бишкек - 24.kg
Бүгүн, 8-октябрда Бишкектин батыш тарабында муздак суу болбойт. Бул тууралуу мэриянын басма сөз кызматы билдирди.
Маалыматка ылайык, өчүрүүгө Гагарин, Юго-Западный суу алгычтарындагы жана шаардык суу түтүктөрүндөгү оңдоо иштери себеп болгон.
Саат 9.00дөн 00.00гө чейин Лев Толстой, Бакаев, Алтымышев, Жунусалиев, Гагарин, Муромская, Циолковский, Тимур Фрунзе, Өмүр, Алыкулов, Ахунбаев, Көк-Жайык, Торугарт көчөлөрү менен чектелген аймактарда таза суу берүү токтотулат.
Ошондой эле «Жумушчу шаарча», «Айыл чарба институту», «Ак-Өргө», «Ак-Ордо» (Ахунбаев көчөсүнүн түндүк тарабы) жана «Теңир-Тоо» (Ахунбаев көчөсүнүн ылдыйы) конуштарында суу болбойт.
«Бишкексууканал» муниципалдык ишканасы келтирилген ыңгайсыздыктар үчүн кечирим сурайт .