14:13, 01 октября 2024, Бишкек - 24.kg
Жогорку Кеңештин Транспорт, коммуникациялар, архитектура жана курулуш боюнча комитетинин жыйынында депутат Бактыбек Сыдыков жаңы мамлекеттик ишканаларды түзбөөгө чакырды.
Мамлекеттик мүлктү башкаруу боюнча мамлекеттик агенттиктин маалыматы боюнча 2021-жылдан бери өлкөдө онго жакын жаңы мамлекеттик ишканалар түзүлгөн.
Финансы министрлигинин башчысы Алмаз Бакетаев каржы активдерине 92 миллиард сомго жакын, ал эми каржылык эмес активдерге 162 миллиард сомго жакын инвестиция салынганын билдирди. «Бул компаниялар бюджетке дивиденд алып келет. Өткөн жылы киреше 18 миллиард сомду түзсө, быйыл 21 миллиард сомду түздү», — деди ал.
Бактыбек Сыдыков белгилегендей, бул дивиденддер алты мамлекеттик ишканадан гана түшүүдө.
«Эч кандай жыйынтык жок жана болбойт. Буга чейин 96 мамлекеттик ишкана болсо, анын ичинен алтоо гана кирешелүү болгон. Биз сатууну сунуштадык. Бирок барган сайын бул мамлекеттик ишканаларды түзүп жатабыз. Жеке секторго жана бизнеске бергиле. «Кыргызиндустрия» 18ден ашык ишкана түздү, бирок үчөө гана иштеп жатат деп угам. Кыргыз туризм мамлекеттик ишканасы кандай чуулгандуу жабылды. Балким, биз муну токтото алабыз? — деп сурады