09:07, 27 сентября 2024, Бишкек - 24.kg
Аргентиналык чабуулчу Лионель Месси «Интер Майами» менен келишимин 2025-жылы узартпайт. Бул тууралуу чет элдик спорт басылмалары жазып чыкты
El Nacional басылмасынын маалыматына караганда, 37 жаштагы аргентиналык футболчу өз мекенине кайтып келип, карьерасын мурдагы клубу болгон «Ньюэллс Олд Бойздо» аяктоону пландап жатат. Ошентип Месси Интер Майами менен 2025-жылдын аягында бүтө турган келишимин узартпайт.
Месси 2000-жылы академиясын таштап, Барселонага кошулган «Ньюэллс Олд Бойздун» оюнчусу болгон. Карьерасынын жүрүшүндө аргентиналык атактуу футболчу бул клубга кайтууну каалай турганын бир нече жолу билдирген.
Эске салсак, Лионель Месси 2023-жылы жайында «Интер Майаминин» оюнчусу болгон. Ал америкалык клуб үчүн 31 матч өткөрүп, анда 27 гол киргизип, 17 пас берген. Интер Майами ишенимдүү түрдө MLS кезектеги сезондук таблицаларын жетектейт.