14:22, 09 сентября 2024, Бишкек - 24.kg
18-22-сентябрь күндөрү Муратбек Рыскулов атындагы Нарын облустук академиялык музыкалык драма театрында «Көчмөн 2024: Тирүү асман» эл аралык кыска метраждуу тасмалардын фестивалы өтөт. Бул тууралуу «Кыргызтасмасы» мамлекеттик кино борборунун директору Талантбек Төлөбеков социалдык түйүндөр аркылуу билдирди.
Анын айтымында, 39 тасма каттоо күбөлүгүн алган.
«Фестиваль кыргыз киносун өнүктүрүүдө маанилүү кадам болот. Уюштуруучуларды куттуктайбыз жана катышуучуларга дем каалайбыз!» — деп белгиледи Талантбек Төлөбеков.