11:17, 30 августа 2024, Бишкек - 24.kg
Кыргызстанда экинчи сентябрь иш күнү болот. Эмгек, социалдык коргоо жана миграция министрлигинин маалыматы боюнча, жумасына беш күн иштеген кызматкерлер үчүн 31-август, ишемби күнүнүн эсебинен 2-сентябрь дем алыш күнү болушу керек болчу (Эгемендүүлүк күнү — 24.kg эскертүүсү). Эгерде майрам дем алыш күнгө туура келсе, кийинки иш күнү эс алуу болуп эсептелет.
Бирок кыргызстандыктар 5-январда бул күнгө чейин эс алгандыктан, 2-сентябрь иш күнү болот.
Эске сала кетсек, министрлер кабинетинин «2024-жылы дем алыш күндөрүн жылдыруу жөнүндө» токтому менен 2024-жылдын 1-январынан 7-январына чейин узак дем алыш күндөрү белгиленген. Андан кийин 2-сентябрдагы эс алуу күнү 5-январь жумуш күнүнө жылдырылган.