Сот Райымбек Матраимовдун камактагы мөөнөтүн дагы эки айга узартты. Бул тууралуу 24.kg басылмасына Бишкектин Биринчи Май райондук сотунан билдиришти.
Маалыматка ылайык, экс-бажы кызматкери 26-октябрга чейин СИЗОдо болот.
Буга чейин Кара-Суу райондук соту Райымбек Матраимовдун агасы, мурдагы аким Тилек Матраимовду кызмат абалынан кыянаттык менен пайдаланып, оор залал келтиргени үчүн 1 миллион сом айыпка жыккан. Ош облустук соту райондук соттун чечимин өзгөртүп, 300 миң сом айып салды.
Эске сала кетсек, 25-мартта УКМК Азербайжандын атайын кызматы менен биргеликте эл аралык издөөдө жүргөн Райымбек Матраимовду Бакуда кармаган. Аны менен бирге агалары Тилек, Руслан жана Исламбек да кармалган.
