15:44, 21 августа 2024, Бишкек - 24.kg
Чүй облусунун Ысык-Ата районунун Дружба айылында Чоң Чүй каналында үч жашар баланы издеп жатышат. Видео социалдык тармактарга тараган.
Облустук ички иштер башкармалыгынан 24.kg басылмасына билдиришкендей, 19-августта бала жоголгондугу тууралуу маалымат түшкөн. Ошол күнү ал үйдөн чыгып кеткен бойдон кайтып келген эмес.
Бул боюнча факты катталган. Окуя болгон жерге ыкчам-тергөө тобу жөнөп кетти. Келгенден кийин БЧКнын жээгинен жоголгон баланын бут кийимин табышкан.
Издөө иштери уланууда.