Парижде өтүп жаткан Олимпиада оюндарында бүгүн, 5-августа күрөш боюнча мелдеш башталды.
68 килограммга чейинки салмак ченинде кыргызстандык Мээрим Жуманазарова 1/8 финалдан баштады.
Ал монголиялык Делгермаа Энхсайханды 8:3 эсебинде жеңди.
Бүгүн 1/4 финалдык беттештер орун алат.
Эске сала кетсек, бүгүн кыргызстандык Жоламан Шаршенбеков жеңиш менен баштады.
Олимпиада оюндарында Кыргызстандан жалпысынан 10 балбан күч сынашат.
