Франция курама командасынын чабуулчусу Килиан Мбаппенин «Реалдын» оюнчусу катары бет ачары 16-июлда болорун клубдун басма сөз кызматы билдирди. 25 жаштагы футболчу 3-июнда эркин агент катары «Реалга» кошулган. Келишим 2029-жылга чейин иштейт
Испаниялык клубдун расмий сайтындагы маалыматка караганда, Мбаппенин бет ачары 16-июлда «Сантьяго Бернабеу» стадионунда болот. Келишимге кол коюу аземине Мбаппе менен бирге Реал Мадриддин президенти Флорентино Перес катышат. Андан соң француз чабуулчусу маалымат жыйынын өткөрөт.
Июнь айынын башында Мбаппе француздук «Пари Сен-Жермен» клубунан эркин агент катары кетип, «Реал Мадрид» менен келишим түзгөн. Келишим 2029-жылга чейин иштейт. Мбаппе жыл сайын өсүү менен 15 миллион евродон 20 миллион еврого чейин алат. Реал Мадрид ошондой эле оюнчуга 5 жыл ичинде кол коюу үчүн бонус катары 125 миллион евро төлөйт. Келишимдин шарттарына ылайык, Мбаппе имидж укуктарын сатуудан түшкөн кирешенин 80% алат.
