09:24, 10 июля 2024, Бишкек - 24.kg
Испания курама командасы футбол боюнча 2024-жылкы Европа чемпионатынын жарым финалдык беттешинде Францияны утуп алды.
Жолугушуу 2:1 эсебинде испаниялыктардын жеңиши менен аяктаган. Франциялык Рандал Коло Муани 9-мүнөттө гол киргизди. Биринчи таймда да испандар алгач Ламин Ямалдын аракети менен эсепти калыбына келтирип, андан кийин Дани Олмонун голунан кийин алдыга чыгышты.
Испания курама командасы финалдагы атаандашын 10-июль шаршемби күнү аныктайт. Бул күнү Англия экинчи жарым финалда Голландия менен ойнойт.
Эске салсак, футбол боюнча Европа чемпионаты 14-июндан тарта Германияда өтүп жатат. Финалдык беттеш жекшемби күнү, 14-июлда Берлиндеги Олимпиастадиондо өтөт.