Алайда сууга түшүп кеткен баланын сөөгү табылды. Бул тууралуу Өзгөчө кырдаалдар министрлигинен билдиришти.
Маалыматка ылайык, 2018-жылы туулган Н.А.нын сөөгү бүгүн саат 11:05те куткаруучулар тарабынан табылып, туугандарына өткөрүлүп берилди.
Белгилей кетсек 4-июль күнү кечки саат 21:00 чамасында Алай районундагы Мурдаш суусуна «Lada 222140» үлгүсүндөгү унаанын айдоочусу рулга ээ боло албай түшүп кеткен. Унаада айдоочу жана 6 жашар бала болгон.
Ал эми баланы издөөгө 5-июль күнү ӨКМден 16 куткаруучу, ИИМден 42 кызматкер, жергиликтүү тургундардан 137 адам жалпы 195 адам тартылган.
