13:02, 04 июля 2024, Бишкек - 24.kg
Беларусь расмий түрдө Шанхай кызматташтык уюмунун толук кандуу мүчөсү болду.
Бүгүн, 4-июлда Астанада өтүп жаткан ШКУнун саммитинде өлкөнүн уюмга кирүүсү боюнча документтерге кол коюлду.
"Бүгүн Астанада өтүп жаткан саммитте биздин уюмду андан ары кеңейтүү тууралуу маанилүү чечим кабыл алынды. Буга байланыштуу Беларустун президенти урматтуу Александр Григорьевич Лукашенкого кош келиңиз деп айткым келет. Беларусь Шанхай кызматташтык уюмуна толук кандуу мүчө болуу үчүн зарыл процедураларды аткарды. Уруксат берсеңиздер, жыйынды Беларусь Республикасын ШКУга мүчө өлкөлөрдүн катарына кабыл алуу тууралуу документке кол коюу менен баштоону сунуштайм", - деди Казакстандын президенти Касым-Жомарт Токаев.