11:32, 04 июля 2024, Бишкек - 24.kg
НАСАнын окумуштуулары келаткан жумада Жерге үч астероид жакындай турганын билдиришти. Бул тууралуу Улуттук аэронавтика жана космос мейкиндигин изилдөө башкармалыгынын сайтында айтылат.
Маалыматка ылайык, алардын бири үйдүн чоңдугуна, ал эми эки космос ташы учактын көлөмүнө барабар.
Адегенде 2024 MT1 деп аталган 260 метрлик астероид биринчи жакындап, планетанын жанынан 937 миң км алыстыкта өтөт. Бул асман тиреген астероид 8-июлда Жерге эң жакын жакындайт.
10-июлда Жерге чоңдугу учактай же 120 м болгон экинчи астероид да жакындайт. Ал планетаны 2 700 000 км аралыкта басып өтөт.
Ал эми 11-июлда дагы бир учак өлчөмүндөгү астероид Жерге 2 620 000 км аралыкта жакындайт.
Белгиленгендей, астероиддер планетага коркунуч туудурбайт.
Эске салсак, буга чейин 30-июнга караган түнү 2024 MK астероиди Жерге кооптуу жакын өтүп кеткени айтылган.