18:34, 01 июля 2024, Бишкек - 24.kg
Министрлер кабинетинин төрагасы Акылбек Жапаров Ысык-Көл облусуна болгон жумушчу сапарынын алкагында облусту өнүктүрүүгө багытталган бир катар инфраструктуралык долбоорлордун жүрүшү менен таанышты. Бул тууралуу минкабтын басма сөз кызматы билдирди.
Маалыматка ылайык, министрлер кабинетинин башчысы Каракол шаардык мэриясынын балансына өткөрүү пландалып жаткан шаардык ТЭЦке барды.
Акылбек Жапаров Ысык-Көл облусунун спорттук жашоосунун борборуна айланышы жана спорттун түрлөрүн өнүктүрүүгө жагымдуу шарттарды түзүүгө тийиш болгон шаардык стадионду толук реконструкциялоонун жүрүшү менен таанышты.
Жалпы суммасы 342 миллион сомду түзөт — бул трибунанын астындагы жайларды оңдоо, бардык зарыл шарттары бар эки окуу аянтчасы, жанаша жайгашкан аймакты жашылдандыруу жана башкалар.
Акылбек Жапаров президенттин Ысык-Көл облусундагы ыйгарым укуктуу өкүлчүлүгүнүн аппаратынын жамааты менен жыйын өткөрүп, анда облусту өнүктүрүүнүн, анын ичинде туризмди, айыл чарбаны жана социалдык тармакты өнүктүрүүнүн актуалдуу маселелери талкууланды.