10:48, 01 июля 2024, Бишкек - 24.kg
Жакынкы бир саат аралыгында жана күндүз Бишкек шаарында жана Чүй өрөөнүндө катуу шамал болушу күтүлөт.
Кыргызгидромет кызматынан билдиришкендей, күн күркүрөп, батыштан соккон шамалдын ылдамдыгы секундасына 15-20 метрге жетет.
Катуу шамал учурунда:
— Унаанызды имарат жана бак-дарактын түбүнө токтотпоңуз;
— Электр чубалгылары турган жерге барбаңыз;
— Көз айнек кийиңиз.
Кырсык катталган учурда 112 номерине байланышыңыз.