13:35, 21 июня 2024, Бишкек - 24.kg
Бүгүн Кыргыз футбол биримдигинин кеңсесинде Дөлөн Өмүрзаков атындагы стадиондун реконструкциясынын талкуусуна арналган жыйын өттү.
Маалыматка ылайык, жыйынга КФБ президенти Камчыбек Ташиев, Маданият, маалымат, спорт жана жаштар саясаты министиринин орун басары Айбек Абдымомунов, Архитектура, курулуш жана турак жай-коммуналдык чарба мамлекеттик агенттигинин директору Нурдан Орунтаев, Мамлекеттик курулуш агенттигинин жана Жеңил атлетика боюнча федерациясынын өкүлдөрүнүн катышты.
Жыйында реконструкция маселелери каралып, стадиондун эскиздик долбоору сунушталды.
Эске салсак, борбордук стадион июнь айынын башында оңдоо иштерине жабылган.
Реконструкцияны 2024-жылдын сентябрында бүтүрүү пландалууда.