12:06, 21 июня 2024, Бишкек - 24.kg
«Тазалыктын» абоненттик базасы өткөн жылга салыштырмалуу 250 миң адамга көбөйдү. Бул тууралуу бүгүн, 21-июнда Жогорку Кеңештин жыйынында Бишкек мэри Айбек Жунушалиев билдирди.
Учурда шаар башчысы депутаттарга борбордун социалдык-экономикалык абалы жана муниципалитеттин административдик-аймактык реформанын алкагында аткарган иштери жөнүндө маалымат берүүдө.
Анын айтымында, тазалык ишканасы тарабынан катуу калдыктар үчүн абоненттик базаны көбөйтүү жана башка ишканалардын кирешелерин көбөйтүү иштери жүрүп жатат.
«2024-жылдын 1-июнуна карата «Тазалык» муниципалдык ишканасынын абоненттик базасы 789 112 адамды түзүп, 2023-жылга салыштырмалуу 250 миң адамга көбөйдү. Ал эми, чарба жүргүзүүчү субъектилер боюнча абоненттик база 15 052 чарба жүргүзүүчү субъектилер менен келишим түзүлүп, 4981 көбөйгөн",-деди калаа башчысы.