19:16, 18 июня 2024, Бишкек - 24.kg
«Мамлекеттик ипотекалык компания» башкармалыгынын төрагасы болуп Темиркул Балтабаев дайындалды. Мындай чечим компаниянын директорлор кеңеши тарабынан 18-июнда кабыл алынганы белгилүү болду.
Буга чейин Темиркул Балтабаев «Кыргызкурулушсервис» мамлекеттик ишканасын жетектеген.
Бүгүн, 18-июнда Мамлекеттик ипотекалык компаниянын башкармалыгынын төрагасы Алмамбет Шыкмаматов президенттин жардамчысы болуп дайындалган.