11:31, 13 июня 2024, Бишкек - 24.kg
«Манас» аэропортунан кайрадан бомба издеп жатышат
«Манас» эл аралык аэропортуна бомба коркунучу тууралуу билдирүү электрондук почта аркылуу келип түшкөн. Бул тууралуу Чүй облустук ички иштер башкы башкармалыгынын басма сөз кызматы билдирди.
Бүгүн, 13-июнда саат 8:35 чамасында Чүй облусунун ИИБнын 102 пультуна аэропорттун кызматкери телефон чалып, аэропорттун терминалын казып алуу ыктымалдыгы тууралуу билдирген.
«Укук коргоо кызматкерлери дароо окуя болгон жерге барышкан. Аэропорттун аймагы курчоого алынып, кызматкерлер менен жүргүнчүлөр эвакуацияланган. Окуя болгон жерде саперлор жана кинологдор иштешти. Аэропорттун имараты толугу менен текшерилип, эч нерсе табылган жок», — деп айтылат билдирүүдө.
Учурда аэропорт кадимки режимде иштеп жатат. Милиция электрондук почтага келип түшкөн катта: «Манас» аэропортуна бомба коюлган, оор кесепеттерден сактанууга беш саат бар" деп жазылганын билдирди.
Чүй облустук ички иштер башкы башкармалыгы бомба коркунучу тууралуу жалган маалымат 5 жылга чейин эркинен ажыратылышы мүмкүн экенин эскертет.