14:39, 10 июня 2024, Бишкек - 24.kg
Кыргызстан өз аймагына тооктун жумурткасын алып кирүүгө убактылуу тыюу салды. Бул тууралуу «Токтом» укуктук маалымат порталында маалымдалды.
Министрлер кабинети 2024-жылдын 5-июнунда токтом кабыл алган. Ал расмий жарыялангандан үч күндөн кийин күчүнө кирди.
Документ өлкөнүн азык-түлүк коопсуздугун камсыз кылуу, азык-түлүк товарларына рыноктук бааны турукташтыруу жана ички рыноктун талаптагыдай иштешин камсыз кылуу максатында кабыл алынган.
Буга чейин Суу жана айыл чарба министрлиги жергиликтүү өндүрүш рыноктун суроо-талабын толугу менен жабат, ошондуктан импортко муктаждык жок экенин белгилеген.