Бүгүн, 6-июнда Гапар Айтиев атындагы Кыргыз улуттук көркөм өнөр музейинде"Түрк дүйнөсүнүн аялдарынын ааламы" аттуу эл аралык көргөзмөнүн расмий ачылышы болуп өттү.
Көргөзмөдө 14 белгилүү сүрөтчүнүн эмгектери тартууланды: Наргиз Гулиева (Азербайжан), Лейла Махат жана Гүлназим Өмүрзак (Казакстан), Орозган Мамбеталиева, Роза Жангарачев, Гүлнара Мусабай, Нюргуяан Иннокентьев, Зура Турдубаева, Нуркан Кангелдиева (Кыргызстан) жана А Хазэлеста Нурыев (Түркмөнстан), Халима Туркйылмаз жана Камуран Кардаш (Түркия), Шахноз Абдуллаева жана Сарвиноз Касымова (Өзбекстан).
Ачылыш аземинде ТҮРКСОЙ эл аралык уюмунун башкы катчысы Султан Раев иш-чаранын максаты түрк тилдүү мамлекеттердин өнөрпоздорунун башын бириктирип, алардын чыгармачылык дараметин көрсөтүү экендигин белгиледи.
Султан Раев «Ар бир катышуучунун чыгармачылыгы алардын элдеринин маданий эс тутумун жана руханий коддорун чагылдырат. Көргөзмөгө катышкан авторлор курчап турган дүйнөнү эле эмес, кайталангыс руханий мейкиндикти — аялдын дүйнөсүн да жаратышат. Бул ааламда аялдык ойлорду, гуманисттик баалуулуктарды даңазалаган образдар жана символдор бар», — деди .
Өзбекстандын Сүрөт галереясынын директору жана көргөзмөнүн демилгечилеринин бири Камола Акилова көргөзмөдө түрк элдеринин «генетикалык эс тутумун» сактаган жана жалпы адамзаттык баалуулуктарды ачып берген эмгектерди көрүүгө болорун айтты.
«Бүгүнкү күндө гендердик тең салмактуулук, аялдардын ар кандай тармактарда активдешүү жана алардын укуктарын коргоо маселеси абдан актуалдуу. Түрк элинде: «Эркекти үйрөтсөң, аялды окутасың, бүт элди үйрөтөсүң» дейт. Кылымдар боюу түрк аялдарынын таланттары салттуу кол өнөрчүлүктө: килем токууда, кийиз жасоодо, саймачылыкта даана көрүнүп келген. Заманбап сүрөтчүлөрдүн эмгектери бул салтты улантып, аялдын сулуулук, гармония жана ички бейпилдик жөнүндөгү түшүнүгүн чагылдырат», — дейт Камола Акилова.
Көргөзмө үчүн атайын каталог да чыгарылган. Көргөзмө келечекте башка түрк өлкөлөрүндө да көрсөтүлөт.
Сүрөттөрдү 8-июнга чейин Бишкекте көрө аласыздар.
Авто
Көргөзмөнүн алкагында 8-июнда борбор калаадагы көркөм окуу жайлардын студенттери үчүн «Түрк дүйнөсүнүн аялдар ааламы» көргөзмөсүнө катышкан сүрөтчүлөрдөн мастер-класстар өткөрүлөт.
