Бүгүн, 3-июнда балдарды мамлекеттик жана муниципалдык мектептердин биринчи классына электрондук каттоонун II этабы башталды. Бул тууралуу Билим берүү жана илим министрлиги билдирди.
Маалыматка ылайык, II этаптын биринки күнү саат 12:30га карата 9 миң 628 бала катталды. Ал эми 8-апрелден 2-июнга чейин жүргүзүлгөн электрондук каттоонун I этабында 70 миң 16 бала катталган.
Бишкек шаары боюнча толгон мектептер:
1. № 26 француз тилин тереңдетип окутууну камтыган гимназия-комплекси.
2. № 70 мектеп-гимназия окуу-тарбиялык комплекси.
3. № 29 мектеп-гимназия окуу-тарбиялык комплекси.
4. Гейдар Алиев атындагы № 20 мектеп-гимназия окуу-тарбия комплекси.
5. № 13 англис тилин тереңдетип окутууну камтыган мектеп-гимназиясы.
6. А.С. Пушкин атындагы № 17 мектеп-гимназия окуу-тарбия комплекси.
7. № 62 мектеп-гимназия окуу-тарбиялык комплекси.
8. № 37 мектеп-гимназия.
9. Чыңгыз Айтматов атындагы № 63 мектеп-гимназия.
10. Низами Гянджеви атындагы № 103 жалпы орто билим берүү мектеби.
11. Аалы Токомбаев атындагы № 24 мектеп-гимназия.
12. Токтогул Сатылганов атындагы № 69 окуу-тарбия комплекси.
13. № 33 мектеп-гимназия.
14. Райкан Шүкүрбеков атындагы № 38 мектеп-гимназия окуу-тарбиялык комплекси.
15. № 100 жалпы орто билим берүү мектеби.
Эскерте кетсек, II этап — анык жашаган жери боюнча (факт боюнча) 3-июндан 30-августка чейин жүрөт.
Ата-энелер (мыйзамдуу өкүлдөр) балдарды 1-класска онлайн режиминде mektep.edu.gov.kg платформасында мектеп жашына жеткен баланы (6-7 жаш) каттайт.
