Сауд Аравиясынын «Аль Наср» командасында 1,5 сезон ойногон Криштиану Роналду келерки сезондо командада калабы деген суроонун жообу келди.
Баардыгынын бүйүрүн кызыткан маселе боюнча «Аль Наср» клубу билдирүү жасады.
«Аль Наср» клубунун башкы машыктыруучусу Гидо Фиенго Роналдунун келечеги тууралуу: «Роналдонун каны азыр сары болуп агып жатат. Ал кийинки сезонду биз менен улантат» деп айтты.
Эске салсак, бул сезондо «Аль Наср» менен кубок утуп албаса да, Роналду 45 матчта 44 гол киргизген жана 13 пас берип, мыкты сезон өткөрдү. Роналдунун Сауд Арабия командасы менен келишими 2025-жылы аяктайт.
