09:04, 30 мая 2024, Бишкек - 24.kg
Баткенде чек арачылар үчүн бир катар обьектилер пайдаланууга берилди. Бул тууралуу Улуттук коопсуздук мамлекеттик комитетинен билдиришти.
Маалыматка ылайык, иш-чарага УКМК төрагасы Камчыбек Ташиев катышып, 2022 аскер бөлүгүнө жакын жайгашкан чек арачылар үчүн курулган 32 батирдин ачкычын аскер кызматкерлерине тапшырды.
Мындан тышкары 60 батирлүү көп кабаттуу үйдүн курулушу жүрүп жатат. УКМК башчысы курулуш иштеринин жүрүшү менен таанышып, жыл аягына чейин бүтүрүүнү тапшырды.