Кыргызстандын Улуттук курама командасынын коргоочусу Тамирлан Козубаев Гонконг Премьер-Лигасынын «Жылдын мыкты коргоочусу» сыйлыгын алды. Бул тууралуу Кыргыз футбол биримдиги кабарлады.
Маалыматка ылайык, Гонкогдун «Истерн» футболдук клубунун капитаны Тамирлан Козубаев Гонконг Премьер-Лигасынын 2023/2024 сезондогу мыкты коргоочусу болуп аныкталды. Аталган сыйлык кыргызстандык футболчуга Гонконг Премьер-Лигасынын жыл жыйынтыгы боюнча мыктыларды сыйлоо аземинде тапшырылды. Тамирлан өзүнүн сыйлыгын маркум атасынa арнады.
Эске салсак, Тамирлан Козубаев жакынкы мезгилде Улуттук кураманын июндагы оюндарга болгон даярдыгына келип, кошулат.
