16:57, 20 мая 2024, Бишкек - 24.kg
Кытайда жер титирөө болду. Бул тууралуу Өзгөчө кырдаалдар министрлиги билдирди.
Сейсмология институтунун маалыматына ылайык, бүгүн саат 11:10до Кытайда MSK-64 шкаласына ылайык очогунда күчү 6 магнитудага жеткен жер титирөө катталган.
Жер титирөө Нарын облусунун Ат-Башы районунун Талды-Суу, Баш-Кайыңды, Казыбек, Жаңы-Көч айылдарында 2,5 баллга чейин сезилген. Жер титирөөнүн очогу Нарын шаарынан түштүк-чыгышка карай 148 чакырым аралыкта жайгашкан.
Алдын ала маалымат боюнча Кыргызстандын аймагында жабыркагандар жана кыйроолор катталган жок.