10:33, 20 мая 2024, Бишкек - 24.kg
Баткен, Ош облустарында жер титирөө болду. Бул тууралуу Өзгөчө кырдаалдар министрлигинин басма сөз кызматы билдирди.
Сейсмология институтунун маалыматына караганда, саат 4:39да өлкө аймагында MSK-64 шкаласына ылайык очогунда күчү 3,5 магнитудасына жеткен жер титирөө катталган.
Жер титирөө Баткен районундагы Үч-Дөбө айылынан 10 чакырым түштүк чыгышка, Самаркандык айылынан 18 чакырым түштүк чыгышка, Рават айылынан 26 чакырым түштүк чыгышка, Лейлек районунун Лейлек айылынан 34 чакырым түштүк чыгышка карай белгиленди.
Үч-Дөбө, Ак-Татыр, Самаркандек айылдарында 3 баллга, Рават, Лейлек айылдарында 2,5 баллга чейин сезилген.
Ошондой эле бул түнү саат 2:44тө Ош облусунун Өзгөн районунун аймагында күчү 2 магнитудага жеткен жер титирөө катталган.
Алдын ала маалымат боюнча, жабыркагандар жана кыйроолор жок.