09:52, 17 мая 2024, Бишкек - 24.kg
Бүгүн Кыргызстандын волейбол боюнча курама командасы Борбор Азиянын волейбол конфедерациясынын Улуттар лигасында (CAVA) үчүнчү орун үчүн ойнойт. Бул тууралуу социалдык тармактарда Волейбол федерациясы билдирди.
Тайпалык этапта Кыргызстандын курама командасы 8 упай топтоп, турнирдин финалына чыга алган жок.
Үчүнчү орун үчүн кыргызстандыктар Шри-Ланка командасы менен күч сынашат.
Финалда Түркмөнстан менен Пакистандын курама командалары беттешет.
Эске салсак, кыргызстандыктар Шри-Ланканы, Иранды жана Афганистанды жеңип, Түркмөнстан менен Пакистанга утулуп калышты.