8-майда Бишкектин чыгыш бөлүгүндө муздак суу өчүрүлөт

13:16, 07 мая 2024, Бишкек - 24.kg

8-майда Бишкектин чыгыш бөлүгүндө муздак суу өчүрүлөт. Бул тууралуу мэриянын басма сөз кызматы билдирди.

«Бишкексууканал» муниципалдык ишканасы «ВПУ» суу тосмосунда жана шаардык суу түтүктөрүндө оңдоо иштерин пландоодо.

Саат 9:00дөн 21:00гө чейин төмөнкү көчөлөрдө суу болбойт:

• Садовая көчөсү — Чүй проспектиси — Валиханов көчөсү — темир жол линиясы;
• 7-апрель көчөсү — Ауэзов көчөсү — Исакеев көчөсү — Валиханов көчөсү;
• Учкун конушу жана Учкун кичи району.

«Бишкексууканал» муниципалдык ишканасы келтирилген ыңгайсыздыктар үчүн кечирим сурайт жана ичүүчү сууну алдын ала камдап алууну суранат.