Кыргызстанда бир жумада 269 мас айдоочу айыпка жыгылды

15:19, 29 апреля 2024, Бишкек - 24.kg

Өткөн жума ичинде Кыргызстанда 22 миң 534 жол эрежелерин бузуу фактылары аныкталды. Бул тууралуу Жол кыймылынын коопсуздугун камсыздоо башкы башкармалыгы билдирди.

Алардын ичинен:

• тийиштүү документтери жок транспорт каражаттарын башкаруу — 347;
• мас абалында авто таранспорт каражатын башкаруу — 269;
• авто унаанын терезелерин мыйзамсыз караңгылатуу — 77;
• жөө жүргүнчүлөр катышкан жол эреже бузуулар — 890;
• транспорт каражаттарынын эксплуатациялоо эрежелерин бузуу — 3 миң 221;
• авто ээнбаштык — 4;
• белгиленген ылдамдыктан ашуу — 4 миң 507;
• жалган мамлекттик номуру менен унаа башкаруу — 7;
• башка жол эрежелерин бузуу фактылары —11 миң 370

Мындан тышкары ар кандай жол эрежелерин бузгандыгы үчүн 1 миң 842 унаа убактылуу айып короо жайына токтотулган.