17:22, 24 апреля 2024, Бишкек - 24.kg
Кыргызстандын футзал боюнча курама командасы Таиланддагы Азия кубогунун чейрек финалында Иран менен беттешти. Бул тууралуу Кыргызстандын футзал боюнча ассоциациясынан билдиришти.
Беттеш 6:1 эсебинде аяктап, Кыргызстандын курамасы утулуп калды.
Эскерте кетсек, Кыргызстандын курама командасы Түштүк Корея жана Тажикстан менен тең чыккан. Ал эми Япония менен болгон оюнда жеңишке жетип, С тайпасында экинчи орунду ээледи.
Ирандын командасы үч беттеште тең атаандаштарын утуп, D тайпасында биринчи орунга чыкты.