14:08, 22 апреля 2024, Бишкек - 24.kg
Бишкекте үч эм төрөлдү. Бул тууралуу Саламаттык сактоо министрлиги билдирди.
Маалыматка ылайык, ымыркайлар 19-апрелде Шаардык перинаталдык борбордо кесарево жолу менен жарык дүйнөгө келген.
Ош шаарынын 35 жаштагы тургуну кош бойлуулугунун 33 жумалыгында эрте төрөт коркунучу менен келип түшкөн. 1 миң 930 грамм, 2 миң 660 грамм, 2 миң 660 грамм салмактагы эркек балдар төрөлдү.
Алгачкы суткада наристелер реанимация бөлүмүндө көзөмөлдө болушкан. Бүгүнкү күндө алар ара төрөлгөн ымыркайларга кам көрүүнүн экинчи баскычындагы бөлүмдө. Наристелердин жана эненин абалы канааттандырарлык.