16:45, 19 апреля 2024, Бишкек - 24.kg
Башкы прокурор Курманкул Зулушев Кыргызстандын Көк бөрү федерациясынын президенти болуп шайланды. Бул тууралуу уюмдун социалдык тармактагы баракчасында маалымдалды.
Чечим бүгүн федерациянын кезексиз жыйынында кабыл алынды.
2023-жылдын октябрь айынан бери президенттик кызматты аркалап келген Рамис Жунусалиев Курманкул Зулушев жаңы ипподромдун курулушун көзөмөлгө алса, өз ыктыяры менен кызматтан кетүүгө даяр экенин айткан. Эл аралык көк бөрү федерациясынын президенти Курманкул Зулушев макул болуп, анын талапкерлигин көпчүлүк делегаттар колдошту.
Рамис Жунусалиев биринчи вице-президент болду.
Курманкул Зулушев федерациянын вице-президенттеринин санын экиден бешке чейин көбөйттү.