Камчы Көлбаев менен Райымбек Матраимовдун мүлкү сатыкка коюлду (тизме)

12:37, 18 апреля 2024, Бишкек - 24.kg

Мамлекеттик мүлктү башкаруу боюнча мамлекеттик агенттик Камчы Көлбаев менен Бажы кызматынын башчысынын мурдагы орун басары Райымбек Матраимовдун мүлкүн сатыкка койду.

Мекеме электрондук аукцион аркылуу сатыла турган он объектинин тизмесин жарыялады:

• аянты 181,1 чарчы метр турак эмес коммерциялык имарат (Бишкек шаары, Рыскулов көчөсү, 79б). Баштапкы баасы — 38,6 миллион сом. Электрондук аукциондун кадамы — 200 миң сом;
• Арашан айылы, «Салкын-Төрдөгү» жер тилкеси (800 чарчы метр). Баштапкы баасы — 6,2 миллион сом. Электрондук аукциондун кадамы — 50 миң сом;
• Чолпон-Ата курорттук аймагындагы жер тилкеси (39,9 миң чарчы метр). Баштапкы баасы — 142,6 миллион сом. Электрондук аукциондун кадамы — 100 миң сом;
• Чүй облусунун Орто-Сай айылындагы Солнечный көчөсүндөгү жер тилкеси (5 миң 324 чарчы метр). Баштапкы баасы — 92 миллион сом. Электрондук аукциондун кадамы — 300 миң сом;
• Бишкек шаары, Токтоналиев көчөсү, 88 дарегиндеги жер тилкеси (2 миң 443 чарчы метр). Баштапкы баасы — 58,3 миллион сом. Электрондук аукциондун кадамы — 100 миң сом;
• Бишкек шаары, Токтоналиев көчөсү, 94 дарегиндеги жер тилкеси (600 чарчы метр). Баштапкы баасы — 17,8 миллион сом. Электрондук аукциондун кадамы — 100 миң сом;
• Ош шаары, Аматов көчөсү, 1 дарегиндеги бир бөлмөлүү (52 чарчы метр) мансард (57,8 чарчы метр) батири. Баштапкы баасы — 8,2 миллион сом. Электрондук аукциондун кадамы — 20 миң сом;
• Ош шаары, Ленин көчөсү, 938 дарегиндеги эки бөлмөлүү батир (60,5 чарчы метр). Баштапкы баасы — 5 миллион 12 миң сом. Электрондук аукциондун кадамы — 20 миң сом;
• Ош шаары, Масалиев көчөсү, 98в дарегинде жайгашкан турак эмес жай (1 миң 400 чарчы метр). Баштапкы баасы — 149,8 миллион сом. Электрондук аукциондун кадамы — 100 миң сом;
• Чолпон-Атанын үчүнчү кичи районундагы курулуп бүтө элек имараттары бар жер тилкеси (20 миң чарчы метр). Баштапкы баасы — 37,6 миллион сом. Электрондук аукциондун кадамы — 100 миң сом.

Объектилер боюнча маалымат жана аукционго катышуу шарттары менен агенттиктин сайтынан таанышууга болот.

Соодалашуу электрондук соода аянтчасынын порталында өткөрүлөт. Арыздарды кабыл алуу 15-апрелде башталып, 29-апрелде аяктайт.