Эртең Бишкектин батыш бөлүгүндө муздак суу өчүрүлөт

10:58, 15 апреля 2024, Бишкек - 24.kg

Эртең, 16-апрелде Бишкектин айрым аймактарында таза суу өчүрүлөт. Бул жөнүндө мэриянын басма сөз кызматы билдирди.

Маалыматка ылайык, «Батыш» суу алгычындагы жана шаардык суу түтүктөрүндөгү оңдоо иштерине байланыштуу саат 9:00дөн 22:00гө чейин токтотулат.

Өчүрүү аймагына төмөнкүлөр кирет:

• Алыкулов көчөсү — Чоң Чүй каналы — Ала-Арча дарыясы — Толстой көчөсү;
• Юбилейный көчөсү — Горький көчөсү (Пригородный айылы) — Садовой көчөсү (Пригородный айылы) — Чоң Чүй каналы;
• «Аскер шаарчасы», «Кызыл Аскер», «110-квартал» жаңы конушу, Достук кичи району.

«Бишкексууканал» өндүрүштүк-эксплуатациялык башкармалыгы келтирилген ыңгайсыздыктар үчүн кечирим сурайт жана ичүүчү сууну алдын ала камдап алууну суранат.