15:39, 12 апреля 2024, Бишкек - 24.kg
Саат 19:00дөн тартып № 11 жана 17 троллейбус каттамдары убактылуу токтотулуп, № 10 троллейбус № 8 кичи районуна чейин каттайт. Бул тууралуу мэриянын басма сөз кызматы билдирди.
«Шаардык троллейбус каттамдарынын ишиндеги убактылуу өзгөрүүлөр «Асанбай» акыркы бурулуш пунктунда канализация иштерин жүргүзүү зарылчылыгынан улам келип чыкты», — деп белгиледи мекеме.
Мэрия келтирилген ыңгайсыздыктар үчүн кечирим сурайт жана жүргүнчүлөрдөн өзгөрүүлөрдү эске алуу менен сапарларын алдын ала пландаштырууну суранат.