09:47, 04 апреля 2024, Бишкек - 24.kg
Кыргызстандын бюджетинде 2024-жылы санариптештирүүгө 600 миллион сом каралган. Бул тууралуу Финансы министрлиги билдирди.
Өткөн жылдарга салыштырмалуу көрсөткүч 100 миллион сомго көбөйгөн.
2019-2023-жылдар аралыгында санариптик экономикага жалпысынан 2,5 миллиард сом жумшалган, алар тиешелүү мамлекеттик органдарга бөлүштүрүлүп турган. Ошондой эле электрондук өкмөт чөйрөсүндөгү долбоорлорду ишке ашыруунун алкагында 197 иш-чара ишке ашырылып, дагы 19 иш-чара аяктоо баскычында турат.
«Санариптик трансформацияны андан ары өркүндөтүү максатында бүгүнкү күндө «Санариптик Кыргызстан 2024-2028» санариптик трансформация концепциясы иштелип чыкты», — деп белгиледи министрлик.