16:18, 27 марта 2024, Бишкек - 24.kg
ӨКМдин Кыргызгидромет кызматынын билдирүүсүнө ылайык, 28-29-мартта күтүлүп жаткан туруксуз аба-ырайына жана нөшөрлүү жаан-чачынга байланыштуу Чүй, Ош жана Жалал-Абад облустарынын тоо этектериндеги райондорунда сел жүрүшү мүмкүн.
Эңкейиш жана төмөн жерлерди суу каптоо, дарыяларда суунун деңгээли көтөрүлүшү күтүлөт.
ӨКМ суу каптоонун алдын алуу үчүн арыктарды, суу өткөрүү түтүктөрүн жана дренаждык түйүндөрдү таштандылардан тазалоого чакырды.