17:53, 19 марта 2024, Бишкек - 24.kg
Орусиялык «Победа» авиакомпаниясы Кыргызстанга каттамдарды аткара баштайт. Бул тууралуу «Манас» эл аралык аэропортунун басма сөз кызматы билдирди.
Москва (Внуково аэропорту) — Ош багыты боюнча каттамдар 26-апрелде башталып, күн сайын аткарылат. Учурда билеттер сатылып жатат.
Кыргызстан «Победанын» алтынчы эл аралык багыты болот, азыр ал Түркия, БАЭ, Беларусь, Армения жана Өзбекстанга каттайт.