14:36, 27 февраля 2024, Бишкек - 24.kg
Бишкек шаарында милиция кызматкерлери телефон аркылуу алдамчылык кылган жаранды кармашты. Бул тууралуу ИИМдин басма сөз кызматы билдирди.
Маалыматка ылайык, жаран арыз менен кайрылып, 11-январда ага «WhatsApp» мобилдик тиркемеси аркылуу белгисиз адам телефон чалып, өзүн «Мбанктын» кызматкери деп тааныштырган.
«Коопсуздук маселесине көмөк көрсөтүү шылтоосу менен эсептен 1 миң 400 долларын чечип алган жана тиркеме аркылуу эки банктан жалпы суммасы 119 миң 600 сом насыя алган. Ошентип жабырлануучунун 244 миң 643 сом акчасын ээлеп алган», — деп айтылат маалымтта.
Кылмышка шектүү 2005-жылы туулган Т.Ж. аттуу жаран кармалып, камакка алынды.
Кылмыш иши боюнча тергөө иштери уланууда.