14:03, 16 февраля 2024, Бишкек - 24.kg
Быйыл Кара-Балта менен Токмок шаарынын өнөр жай тармагын өнүктүрүүгө 1 миллиард сомдон берилет. Бул тууралуу экономика жана коммерция министринин орун басары Айнура Усенбекова бүгүн брифингде билдирди.
Анын айтымында, азыр эки шаарда тең потенциалдуу долбоорлорду түзүүнүн үстүндө иштеп жатышат, алар 2024-жылы ишке ашырылышы мүмкүн. Долбоорлорду ишке киргизүүгө каржылык колдоо бар.
«Алар үстүбүздөгү жылы ишке киргизиле турган жүз өнөр жай долбоорлорунун катарына кирди», — деп белгиледи Айнура Усенбекова.
Өткөн жылы Каракол шаарына 1 миллиард сом берилген. Экономика жана коммерция министринин орун басары бул өз натыйжасын бергенин белгиледи. Шаарда он өнөр жай долбоору иштеп жатат.