Бишкекте 17-февралда көк бөрү боюнча чемпионат башталат
15:20, 15 февраля 2024, Бишкек - 24.kg
Бишкекте 17-февралдан 22-февралга чейин көк бөрү боюнча өлкөнүн райондорунун арасында жыйынтыктоочу чемпионат өтөт. Бул тууралуу Көк бөрү федерациясы билдирди.
Маалыматка ылайык, оюн «Ак-Кула» ат майданында өтөт.
Чемпионатка катыша турган командалар:
- Бишкектин Четинди командасы;
- Ош шаарынын командасы;
- Талас облусунан Талас району;
- Чүй оболусунан Сокулук району;
- Нарындан Ак-Талаа району;
- Ысык-Көлдөн Ак-Суу району;
- Ош облусунан Кара-Кулжа району;
- Жалал-Абаддан Сузак району;
- Баткен облусунан Лейлек району.