Улуттук олимпиаданын биринчи этабына 42 миңден ашык окуучу катышты

09:32, 09 февраля 2024, Бишкек - 24.kg

Онлайн режимде өткөн математика, физика, химия, биология жана информатика предметтери боюнча Улуттук олимпиаданын биринчи этабына 42 миң 997 окуучу катышты. Бул тууралуу Билим берүү жана илим министрлиги билдирди.

• Биология боюнча олимпиаданын биринчи этабынын жыйынтыгы боюнча 7 миң 633 катышуучудан 3 миң 583 адам,
• информатика боюнча 4 миң 351 катышуучудан 331 адам,
• математика боюнча 12 миң 972 катышуучудан 6 миң 458 адам,
• физика боюнча 10 миң 818 катышуучудан 5 миң 250 адам,
• химия боюнча 7 миң 223 катышуудан 4 миң 31 адам экинчи этапка өттү.

Белгилей кетсек, олимпиаданын экинчи этабы дагы онлайн режиминде өтөт.

«Улуттук олимпиада эл аралык олимпиадаларга катышуу үчүн Кыргызстандын командасын түзүү жана даярдоо максатында өткөрүлүүдө», — деп белгиледи министрлик.