09:26, 22 января 2024, Бишкек - 24.kg
Катарда футбол боюнча Азия Кубогунун тайпалык этабынын кезектеги беттеши аяктады. Оюн «УТРК Спорт» телеканалында көрсөтүлдү.
Кыргызстандын курама командасы Сауд Арабия командасына 0:2 эсебинде утулуп калды. Голдор беттештин 35-85-мүнөттөрүндө киргизилди.
Белгилей кетсек, Кыргызстандын курама командасынын оюнчулары Айзар Акматов менен Кими Мерк кызыл карточка алып, оюндан чыгарылды.
Эскерте кетсек, биринчи турда Сауд Арабия Оманды (2:1) утуп, биздин курама Таиландга 0:2 эсебинде жеңилип калган.
Буга чейин турда Кыргызстандын тайпадагы атаандаштары Оман менен Таиланд тең чыккан. Ошентип кыргызстандыктар F тобунда акыркы орунда турат. Эми курама 26-январда Оман менен ойнойт.